အိုစာမင်းစာ မလိုတဲ့နိုင်ငံ (စာအုပ်အဖုံး)

                                                  မျက်နှာဖုံး

                                                နောက်ကျောဖုံး

"စာအုပ်မျက်နှာဖုံးခေါင်းစဉ်၊ အတွင်းခေါင်းစဉ်၊ အစီအစဉ် နှင့် နောက်ကျောဖုံး "

စာအုပ်မျက်နှာဖုံးခေါင်းစဉ်:           : ပါရီ နဲ့ အတူစီးမျောခြင်း
စာရေးသူ                   :           : မင်းမော်လှမြင့် ( YSO,PKU)

                                                        မျက်နှာဖုံးပုံကြီး

မျက်နှာဖုံး ပုံသေးနဲ့ စာသား

အသက်လေးဆယ်ကျော်မှ ဒီမိုကရေစီကို
နဖူးတွေ့ဒူးတွေ့ကြုံရသူ
မြန်မာပြည်သားတစ်ဦး၏ ဥရောပလူနေမှု
အတွေ့အကြုံ များနှင့် ဒေသန္တရဗဟုသုတ
တို့ကို စုစည်းတင်ပြထားပါသည်။





             





အတွင်းစာရွက်ခေါင်းစဉ် :           : ပါရီ နဲ့ အတူစီးမျောခြင်း နှင့်
                                            ဂျာနယ်ပေါ်ကဆောင်းပါးများ
                                            မင်းမော်လှမြင့် ( YSO,PKU)

(ဤစာအုပ်ပါဆောင်းပါးများတွင် လိုအပ်သောအချက်အလက်များကို Wikipedia နှင့်
သက်ဆိုင်ရာ website များမှရှာဖွေကိုးကားထားပါသည်)

ဆောင်းပါးအစီအစဉ်

၀၁.  အရှင်ကုသလသာမိ(ဂျာမဏီ) ၏ အမှာစာ
၀၂.  ဒိန်းမတ်ကမင်္ဂလာဆောင်ဖိတ်စာ
၀၃.  နို့ဆီမသုံး၊ ၀က်နားရွက်မစားတဲ့နိုင်ငံ
၀၄.  ရောမရေချမ်းစဉ်
၀၅.  ငှက်စာကျွေးခြင်း(Feed the Birds)
၀၆.  ပျံပေဦးတော့ ဟော်လန်ကစာပို့ခိုလေးရေ..
၀၇.  Save Forests for our Kids
၀၈.  ကျောင်းသားတွေအလုပ်လုပ်ကြတဲ့ဒိန်းမတ်နိုင်ငံ
၀၉.  အလုပ်ဟူသမျှ ဂုဏ်ရှိစွ
၁၀.  သမီးတို့ကျောင်းက ဖက်ရှင်ရှိုး
၁၁.  ဒိန်းမတ်နိုင်ငံသားဖြစ်ခွင့်
၁၂.  လက်ဆေးကြသော ကလေးများ
၁၃.  ပါရီ နဲ့အတူစီးမျောခြင်း
၁၄.  သူတို့ဆီက ဓလေ့လေးတစ်ခု
၁၅.  အမ်မလီ မှသည် ပိုးမီ ဆီသို့
၁၆.  အိမ်မှာအော်တဲ့ မီး Alarm !
၁၇.  ဒိန်းမတ်ကလက်ဆောင်ပေးခြင်းအလေ့အထ
၁၈.  မိုးယံကစိတ်ထားရှင်များ
၁၉.  မြတ်ဗုဒ္ဓကိုယုံကြည်ကိုးကွယ်လာသောဒိန်းမတ်ကဇနီးမောင်နှံ
၂၀.  အသက်တစ်ချောင်း
၂၁.  ဘုရားဂုဏ်တော်ပွါး လွန်စွာအကျိုးများ
၂၂.  ဖေဖေ နဲ့ ကဗျာဆရာကြီးတင်မိုး၊ မင်းသားအံ့ကျော်
၂၃.  ကလေး၊ လူငယ်၊ လူကြီးတို့အတွက်မြန်မာ့စွယ်စုံကျမ်း
၂၄.  မှတ်မိသမျှ တစ်ခေတ်တစ်ခါက ပခုက္ကူ ဂုဏ်ဆောင် ဘောလုံးနဲ့အားကစားသမားများ
၂၅. စာရေးသူ ၏ ကိုယ်ရေးအကျဉ်း
၂၆. Biography of Min Maw Hla Myint( written by Min Thaw Hla Myint)

စာအုပ်မျက်နှာဖုံးအတွက် အခြားပုံများ။

                                         

                                                        အရံ ၁

                                                    အရံ  ၂

                                                     အရံ ၃
     
   

 နောက်ကျောဖုံးအတွက် ဓါတ်ပုံကုန်ကြမ်း(အဆင်ပြေသလိုသုံးရန်)

                                                 ကျောပုံ ၁

                                              ကျော်ပုံ ၂

                                              ကျောပုံ ၃

 ဂျာနယ်ပေါ်မှာ

                                                   ဂျာနယ်ပေါ် ၁

                                                 ဂျာနယ်ပေါ် ၂

                                                  ဂျာနယ်ပေါ် ၃

                                                   ဂျာနယ်ပေါ်  ၄
     

                                                   ဂျာနယ်ပေါ်  ၅

                                                 ဂျာနယ်ပေါ်  ၆

                         
 နောက်ကျောဖုံးစာသား

ဒုစရိုက်မှုတွေ နည်းပါးပြီး အေးချမ်းတဲ့နိုင်ငံ၊ ပညာရေး, လူမှုရေး, နိုင်ငံရေးစနစ်တွေ
ငြိမ့်ငြိမ့်ညောင်းညောင်း သာသာယာယာ စီးမျောနေတဲ့နိုင်ငံက ကောင်းတဲ့အချက်တွေကို
အတူယူသင့်တန်တာယူပြီး ဆောင်ရွက်ကြရင်ဖြင့် ...

အရှင်ကုသလသာမိ(ဂျာမဏီ)

                     



               

"အရှင်ကုသလသာမိ(ဂျာမဏီ) ၏ အမှာစာ"

မြန်မာပြည်ရောက်ခိုက် သူငယ်ချင်းရဲ့ရွာကို အလည်လိုက်သွားတော့ ခရီးရောက်မဆိုက် သူငယ်ချင်းရဲ့
အဘွားက “ကိုယ်တော့်လက်ထဲက ဘာစာအုပ်လဲ”ဆိုပြီး ပြောပြောဆိုဆို စာအုပ်ကို လှမ်းယူလိုက်
ပါတယ်။ “ကိုယ်တော့်စာအုပ်နာမည်က တယ်ဟုတ်ပါလား၊ အိုစာမင်းစာ မလိုတဲ့နိုင်ငံဆိုပါလား၊
တပည့်တော်မှာတော့ နှစ်ပေါင်း ၂ဝ လောက် အိုစာမင်းစာလေး စုထားတာ … တင်ပါးထဲ ထည့်လိုက်ရပြီ"
လို့ဆိုတယ်။ အဘွားက အသက် ၇ဝ ကျော်ပြီ။ တစ်နေ့က ချော်လဲပြီး တင်ပါးဆုံရိုးကျိုးသွားတာ
ဆေးရုံတက်လိုက်ရလို့ သူ့ရဲ့အိုစာမင်းစာအတွက် ရှာဖွေစုဆောင်းထားတဲ့ ငွေကြေးလေးတွေ
တင်ပါးခွဲစိတ်တာအတွက် ကုန်သွားပြီလို့ ပြောနေတာပါ။

ပြီးခဲ့တဲ့နှစ်က ဒိန်းမတ်က စာရေးဆရာမင်းမော်လှမြင့်ရဲ့ “အိုစာမင်းစာ မလိုတဲ့နိုင်ငံ”စာအုပ်လေးက
မြန်မာနိုင်ငံစာအုပ်ဈေးကွက်အရဆိုလျှင် အတော်အောင်မြင်တယ်လို့ ဆိုရမယ်။
ကိုယ့်နိုင်ငံက လူတိုင်းလူတိုင်းဟာ အိုစာမင်းစာအတွက် ကြိုးစားစုဆောင်းနေရတဲ့အချိန်မှာ
အိုစာမင်းစာ မလိုတဲ့နိုင်ငံဆိုတော့ ထူးထူးဆန်းဆန်း ဖြစ်သွားတာလည်း ပါပေလိမ့်မယ်။
ဒိန်းမတ်မှာ ပုံမှန်အလုပ်လုပ်တဲ့သူတွေအနေနဲ့ အစိုးရကို ပေးထားတဲ့အခွန်တွေကြောင့်
အသက်ကြီးတဲ့အခါ အစိုးရက ပြန်လည်ပြီး အေးဆေးသက်သာနေလို့ရအောင် ဆောင်ရွက်
ပေးထားတဲ့သဘောပါ။ ကိုယ့်ဆီမှာက အစိုးရဝန်ထမ်းတွေသာ ပင်စင်လခရပေမယ့် ဒိန်းမတ်မှာတော့
လူတိုင်းလူတိုင်းဟာ အခွန်ပေးထားတဲ့အတွက် အလုပ်နားလို့ပင်စင်ယူတဲ့အခါ ပင်စင်လစာတွေ
ရကြပါတယ်။ ကျန်းမာရေးအတွက်ကလည်း သာမန်ဆေးကုသမှုမှသည် ဆေးရုံတက် အကြီးစား
ခွဲစိတ်မှုအထိမည်သည့်ကုန်ကျစားရိတ်မှမပေးရဘဲ အခမဲ့ဝန်ဆောင်မှုပေးတဲ့အတွက်အိုစာမင်းစာရယ်လို့
သီးသန့်စုနေစရာ မလိုတော့ဘူးပေါ့။ ဆရာမင်းမော်လှမြင့်ရဲ့ ပထမစာအုပ်မှာ ဒိန်းမတ်နဲ့ဥရောပနိုင်ငံတွေ
က နိုင်ငံရေး၊ ပညာရေး၊ လူမှုရေး ဗဟုသုတလေးတွေကို ဟိုနည်းနည်းဒီနည်းနည်းနဲ့ ကိုယ့်နိုင်ငံစာဖတ်
ပရိသတ်တွေဆီကို မိတ်ဆက်ပေးခဲ့တယ်။

အခု သူက ဒုတိယမြောက်ခြေလှမ်းအဖြစ် “ပါရီနဲ့အတူ စီးမျောခြင်း”ဆိုပြီး နောက်တစ်လှမ်း
လှမ်းလိုက်ပြန်ပါပြီ။“ပါရီနဲ့အတူ စီးမျောခြင်း”လို့ အဓိကခေါင်းစဉ်ပေးထားပေမယ့် ပါရီမှာ
စီးမျောခဲ့တာတွေအများကြီးကိုတော့တွေ့ရမှာ မဟုတ်ပေဘူး။
ပါရီကို မိသားစုနဲ့ခရီးသွားရင်း မြေအောက်ရထားဘူတာကနေ အတွေးအစဉ်လေးတွေ
လွင့်မျောသွားတဲ့သဘောလောက်ပါပဲ။ မိသားစုနဲ့အတူ ဥရောပခရီးသွားခဲ့တာတွေကိုတော့
နောက်စာအုပ်တွေမှာဆက်ရေးမယ်လို့ ဆိုပါတယ်။ ဒီစာအုပ်မှာတော့ ပါရီကနေ အတွေးစဉ်တွေ
လွင့်သွားတာတွေနဲ့အတူဥရောပနိုင်ငံတွေက အထူးသဖြင့် ဒိန်းမတ်က ပညာရေး၊ လူမှုရေးဆိုင်ရာ
ဗဟုသုတတွေကိုပဲဆက်လက်မျှဝေသွားတာ တွေ့ရတယ်။ ဥရောပမှာနေတဲ့ ကိုယ်တောင် မသိရသေးတဲ့
ဗဟုသုတတွေအများကြီးပါနေတာဖြစ်လို့ မြန်မာပြည်စာဖတ်ပရိသတ်အတွက်တော့ အသစ်အဆန်းတွေနဲ့
ဖတ်မငြီးဖြစ်နေပါလိမ့်မယ်။

တကယ်တော့ ဆရာမင်းမော်လှမြင့်ဟာ စာရေးစားတဲ့ စာရေးဆရာတော့ မဟုတ်ပါဘူး။ ကမ္ဘာမှာ
ဒုစရိုက်မှုတွေ နည်းပါးပြီး အအေးချမ်းဆုံးနဲ့အချမ်းသာဆုံးနိုင်ငံစာရင်းမှာ ပါတဲ့ ဒိန်းမတ်နိုင်ငံလေးမှာ
ချစ်စရာမိသားစုလေးနဲ့ အေးအေးချမ်းချမ်းနေထိုင်ရင်း၊ အမိမြန်မာပြည်ကိုလည်း အဝေးကနေ
လွမ်းဆွတ်ရင်းနဲ့ သူသိတဲ့ဗဟုသုတလေးတွေကို မြန်မာပြည်သူတွေဆီ လှမ်းပို့ပေးနေသူတစ်ယောက်ပါ။
အေးချမ်းတဲ့တိုင်းပြည်မှာနေထိုင်ရင်း မအေးမချမ်းဖြစ်နေသေးတဲ့ အမိမြန်မာပြည်အတွက်
သူ့စေတနာတွေကသူ့စာတွေမှာ အထင်အရှား ဖော်ပြနေလေ့ရှိတယ်။
သူ့စာအုပ်မှာပါတဲ့ခေါင်းစဉ်လေးတွေကြည့်ရုံနဲ့ အမိမြေကို လွမ်းဆွတ်တာတွေ၊ သံယောဇဉ်ကြီးမားပုံ
တွေကိုတွေ့ရမှာဖြစ်တယ်။

ဒိန်းမတ်နိုင်ငံနဲ့ဥရောပအကြောင်းတွေ ရေးထားပေမယ့် သူ့ဇာတိ ရေစကြို၊ ပခုက္ကူကအကြောင်းလေး
တွေလည်းတခုတ်တရ ထည့်သွင်းဖော်ပြထားတာကိုလည်း တွေ့ရတယ်။ ပခုက္ကူသားတွေအတွက်
ရှေးဟောင်းနှောင်းဖြစ်တွေ ပြန်လည်စမြုံ့ပြန်ရင်း ပျော်စရာလေးတွေ ဖြစ်သွားမှာပါ။
ရိုးသားပြီးချစ်စရာကောင်းတဲ့ မိသားစုလေးနဲ့ အေးချမ်းတဲ့တိုင်းပြည်လေးက စာရေးဆရာဟာ
သူမွေးဖွားရာတိုင်းပြည်ကိုလည်း အေးချမ်းသာယာတဲ့ဓာတ်ကလေးတွေ ကူးစက်စေလိုပုံ ရပါတယ်။
သူ့စာတွေက အလင်္ကာမြောက်အောင် ကြီးကြီးကျယ်ကျယ် ဖွဲ့နွဲ့ထားတာ မဟုတ်ပေမယ့်
သူ့စေတနာတွေကတော့ ခမ်းနားလှတယ်လို့ဆိုရင် သူ့စာဖတ်ပြီးသူတွေကတော့ ငြင်းချက်ထုတ်လိမ့်မယ်
မထင်ပါဘူး။

ကမ္ဘာပေါ်မှာ ဘယ်နိုင်ငံရဲ့ ဘယ်စနစ်ကိုမှ အကောင်းဆုံး၊ အလှဆုံးလို့ မဆိုစကောင်းပေမယ့်
ဒုစရိုက်မှုတွေ နည်းပါးပြီး အေးချမ်းတဲ့နိုင်ငံ၊ ပညာရေး, လူမှုရေး, နိုင်ငံရေးစနစ်တွေ
ငြိမ့်ငြိမ့်ညောင်းညောင်း သာသာယာယာ စီးမျောနေတဲ့နိုင်ငံက ကောင်းတဲ့အချက်တွေကို
အတူယူသင့်တန်တာယူပြီး ဆောင်ရွက်ကြရင်ဖြင့် အမိမြန်မာပြည်အတွက် အကျိုးယုတ်နိုင်စရာ
မရှိပါဘူး။ စာရေးဆရာ မင်းမော်လှမြင့်ရဲ့ “ပါရီနဲ့အတူ စီးမျောခြင်း”စာအုပ်လေးက အမိမြန်မာပြည်ကို
အကောင်းဘက်သို့ ဆက်လက်ချီတက်နိုင်စေဖို့ အတွေးစလေးတွေ ရရှိသွားစေမှာ အသေအချာပါပဲ။

အရှင်ကုသလသာမိ
ပဓာနနာယကဆရာတော်
ဓမ္မဒူတမြန်မာကျောင်း (ဂျာမဏီ)
ဓမ္မဆာယာ ဓမ္မအရိပ်ကျောင်း( ဒိန်းမတ်)
kusalasami@gmail.com
+4915214489565
၅၊ ၅၊ ၂၀၁၈

"မှတ်မိသမျှ တစ်ခေတ်တစ်ခါက ပခုက္ကူ ဂုဏ်ဆောင် ဘောလုံးနဲ့အားကစားသမားများ"

လွန်ခဲ့တဲ့နှစ်ပေါင်း ၃၀ ကျော် ၁၉၈၀ ၀န်းကျင်တွေတုန်းက ပခုက္ကူမြို့မှာ
"မြေလတ်ဧရာဖလားဘောလုံးပြိုင်ပွဲ" ကို ကျင်းပခဲ့ဖူးပြီး
မြို့ရဲ့ဘောလုံးကွင်းမှာလည်း ဘောလုံးဝါသနာအိုးတွေနဲ့ ကြိတ်ကြိတ်တိုး
စည်ကားခဲ့ဖူးပါတယ်။

လာရောက်ပါဝင်ယှဉ်ပြိုင်ခဲ့ကြတဲ့ ကျွန်တော်မှတ်မိသမျှ အသင်းတွေ
ကတော့ မြောင်မြို့နယ်အသင်း၊ မြင်းမူအသင်း၊ တပ်မအသင်း၊ မန္တလေး
တက္ကသိုလ်အသင်း၊ စီးကရက်စက်ရုံအသင်း၊ ရေစကြိုအသင်း၊
မိတ္ထီလာချည်မျှင်အထည်စက်အသင်း၊ အောင်လံအသင်း၊ ဟဲဟိုးအသင်း၊
မိတ္ထီလာRTCအသင်း၊ ခလရ(၄)အသင်း၊
စတာတွေဖြစ်ကြပြီး အကြိတ်အနယ်ယှဉ်ပြိုင်ခဲ့ကြပါတယ်။

ရပ်ကွက်တွေထဲမှာလည်း ကိုယ်မဲနှိုက်ရထားတဲ့ဂိုးအရေအတွက်နဲ့
ပွဲပြီးသွားရင် အနိုင်ငွေရတဲ့ တွဲဘော တွေလည်းအထူးခေတ်စားခဲ့ပါတယ်။
တွဲဘောတစ်စောင် ၁၀ကျပ်၊၊ ၅၀ ကျပ်၊ ၁၀၀ ကျပ် စသဖြင့် ပေါ့ခင်ဗျား။
တစ်စောင်ဝယ်ရင် ၂:၁ ၊ ၃:၀ စတဲ့ ဂိုးအရေအတွက်လက်မှတ်လေး
ရပါတယ်။
မဲနှိုက်ရထားတဲ့ အရေအတွက်နဲ့ ပွဲပြီးလို့ ၁၀၀ တန်ဝယ်ထားရင်
ငွေ တစ်ထောင်ရမှာပဲဖြစ်ပါတယ်။
ကိုယ်ဖြစ်မယ်ထင်တဲ့ ဂိုးအရေအတွက်ကိုလည်း ခန့်မှန်းထိုးလို့ရပါသေးတယ်။

ဘောလုံးပွဲစတင်ကန်မယ့် ညနေ ၃၊ ၄ နာရီဝန်းကျင်ဆို လူတွေတဖွဲဖွဲနဲ့
ဘောလုံးကွင်းကိုရောက်လာကြပါပြီ။
သာမန်ရိုးရိုးပဲ ဘောလုံးပွဲလာကြည့်သူတွေကတော့ သိပ်အစောကြီးကြို
လာဖို့မလိုပေမဲ့ ဘောလုံးပွဲလောင်းချင်တဲ့သူများကတော့ တစ်ဦးချင်း
ကော အဖွဲ့လိုက်ပါ ၀ိရိယ ကောင်းကောင်းနဲ့စောရောက်နေကြပါပြီ။
လောင်းကြေးဘယ်လိုပေါက်နေတယ်ဆိုတာ စနည်းနာကြပြီး ကိုယ်
ကြိုက်တဲ့ဘက်ကနေ လောင်းကြေးထပ်ကြပါတော့တယ်။
အဲဒီတုန်းကတော့ ကစားမယ့်အသင်းလိုက်လို့ ၁ဂိုးကြော၊ ၂ ဂိုးကြော၊
ဂိုးဝက် စသဖြင့် လောင်းကြေးပေါက်လို့ ကိုယ်ကဂိုးကြောပေးလောင်းရင်
အပေါ်ကနေတယ်ပြောလို့ ကိုယ်ကဂိုးကြောယူထားရင် အောက်ကထိုင်
ထားတယ်ကွာ စသဖြင့်ပြောကြပါတယ်။

ဘောလုံးပွဲမှစပြီဆိုလည်း အားပေးသံတွေ၊ ဆဲဆိုသံတွေဆူညံ
ပွက်လောရိုက်နေတဲ့ကြားက မြေပဲဆားလှော်ရောင်းသံ၊ စီးကရက်၊
ကွမ်းယာရောင်းသံ၊ရေခဲချောင်းရောင်းသံတွေကိုကြားရမှာဖြစ်သလို
တစ်ခါတစ်ရံ ကွင်းထဲမှာဘောလုံးသမားတွေက ရန်ဖြစ်ကြ၊
ကွင်းပြင်ကပွဲကြည့်ပရိသတ်အချင်းချင်းရိုက်ကြနှက်ကြနဲ့ အင်မတန်မှ
ပခုက္ကူ ဘောလုံးကွင်းကြီးဟာအသက်ဝင်ခဲ့ဘူးပါတယ်။
....................................................

"ပခုက္ကူမြို့နယ်ဘောလုံးရွှေခေတ်"

ကျွန်တော်ကောင်းကောင်းမမှီလိုက်တဲ့ ပခုက္ကူမြို့ရဲ့ ဘောလုံးသမား
ကြီးတွေကတော့ ဆရာဦးဝင်းဖေလေး၊ ဆရာဦးသိန်းရွှေ၊ ဆရာသန်း၊
ဦးဘိုရွှေ၊ ဦးမှတ်ကျော်၊ ဦးမြသောင်း၊ ဦးမြအေး တို့ဖြစ်ပါတယ်။

ပခုက္ကူမြို့နယ်ရဲ့ဘောလုံးရွှေခေတ်လို့တောင်ပြောလို့ရမယ့် ၁၉၇၈ ၀န်းကျင်
တွေတုန်းကမကွေးတိုင်းအသင်းကြီးရဲ့ ကစားသမားတစ်ဝက်နီးပါးဟာ
ပခုက္ကူကဘောလုံးသမားတွေဖြစ်ခဲ့ပါတယ်။

မှတ်မိသမျှကတော့ ရှေ့တန်းကနေ သူ့ကိုယ်လုံးကြီးနဲ့ တိုးခါ တိုက်ခါ ကာခါ
ဘောလုံးကိုဂိုးရှေ့ထိရအောင်ဆွဲယူပြီး ဂိုးသွင်းတတ်တဲ့ ကိုသန်းထွန်း၊
ဘောလုံးချစ်သူတွေကတော့ အသားမဲမဲ တောင့်တောင့်၊ ထောင်ထောင်
မောင်းမောင်းကြီးမို့ ချစ်စနိုးနဲ့ "နွားကြီး" လို့ ခေါ်ပြီးအားပေးကြပါတယ်။

ကို "စန်းလွင်" ကလည်း အပြေးကောင်းကောင်းနဲ့ ရှေ့တန်းဘယ်ဝင်းကနေ
တစ်ဘက်အသင်းကို တုန်လှုပ်အောင် ထိုးဖေါက်ကစားနိုင်ခဲ့တဲ့သူဖြစ်ပြီး
မန္တလေးတက္ကသိုလ်ရဲ့လက်ရွေးစင်တစ်ဦးလည်းဖြစ်ပါတယ်။

ရှေ့တန်းမှာကစားတဲ့ ရွှေချောင်းက" ဌေးလွင်"ကတော့
အပြေးကောင်းကောင်းနဲ့မရမကဂိုးကိုရအောင်ယူတတ်ပါတယ်။
တစ်ဘက်အသင်းဂိုးရှေ့မှာခြေထောက်နဲ့ ကန်ဖို့မမှီတဲ့ဘောလုံးကို
ဒိုင်ဗင်ပစ်ခေါင်းတိုက်လို့ ဂိုးရအောင်သွင်းတဲ့သူပါ။

နောက်တန်းကနေ အတွဲညီညီနဲ့ တံတိုင်းကြီးတွေပမာ ကာရံကစားခဲ့ကြ
သူတွေကတော့ ကိုဇော်ဝင်း( "ဗေဒါ")၊ ကို"သန်းအောင်" ညီအစ်ကို
၂ယောက်နဲ့"ဘဲကြီး" ခေါ် ကိုဇော်ဝင်း နဲ့ ခင်မောင်သန်းဦး တို့ပဲ
ဖြစ်ပါတော့တယ်။

ကျွန်တော်မှတ်မိသလောက် အဲဒီ ၁၉၇၈ ၀န်းကျင် ဘောလုံးကစားတာ
တော်တဲ့သူတွေကတော့..
ကိုဘိုနီ(စက်မှုတက္ကသိုလ်)၊ ကိုဘပု၊ ကိုစိုးမြင့်(ဆူးလုံး)၊ စိန်သန်း(ရွှေချောင်း)၊
ကို "ကျော်ညွန့်ကြီး"(ဂိုး)၊
ကိုထွန်းရွှေ(စီးကရက်)၊ နှင်းဝေ(စီးကရက်)၊ မင်းဇော်(စီးကရက်)၊
မျိုးမင်း(စီးကရက်)၊ ၀င်းနိုင်(ရွှေချောင်း)၊ စောလွင်(ရွှေချောင်း)၊
ဖိုးခိုင်(ရွှေချောင်း)၊တင်မင်း(အမှတ်၉)နဲ့ ရွှေကူထဲက ကိုဖိုးတင်ဝင်း၊
ကိုညွန့်တင်၊ စံဝင်းမောင်၊ ညှပ်ကြီးတို့ဖြစ်ကြပါတယ်။

ကိုစိုးမြင့်(ခေါ်) ဆူးလုံးကတော့ ဘောလုံးကစားတာမြန်ပြီး အလိမ်အခေါက်
ကောင်းသလို လူချတာလည်းနံမည်ကြီးတာကြောင့်..
တစ်ရက်သား ဘောလုံးအတူလေ့ကျင့်ကြရင်း
"ကိုဆူးလုံး ကျွန်တော့်ကို..လူချပြစမ်းပါဗျာ" ဆိုတော့."မင်း ၀င်လုကြည့်လေ.."
ဆိုတာနဲ့ သူ့ခြေထောက်ထဲက ဘောလုံးကို ၀င်လုလိုက်ပါတယ်။
သူဘယ်လိုဘိနပ်ကဘားနဲ့ ခေါက်လိုက်တာမမြင်ရပေမယ့်
ကျွန်တော့် ခြေသလုံးရိုးအခေါက်ခံရပြီး ပူကနဲဖြစ်သွားပါတယ်။
နှစ်ခါ၊ သုံးခါလောက် ၀င်လုကြည့်ပြိး ခြေသလုံးရိုးလည်းနာလာတာကြောင့်
ဝင်မလုရဲတော့ပါဘူးခင်ဗျား။

ကြုံကြိုက်လို့ပြောရရင်ဖြင့် ၁၉၇၀ ၀န်းကျင်၊
ဗဟာဒူး၊ လှဌေး တို့ မြန်မာ့ဘောလုံးရွှေခေတ်တုန်းက အီရန်မှာကန်တဲ့
အီရန် နဲ့ မြန်မာ ဖိုင်နယ်ပွဲမှာ မြန်မာကခြေအသာနဲ့နိုင်ရမယ့်ဟာကို
အိန္ဒိယဒိုင်က မျက်နှာလိုက်ပြီး မြန်မာ့ခြေထောက်ထဲ ဘောလုံးရောက်ရင်
ကို တရွှီရွှီ နဲ့ ခရာမှုတ်နေတာကြောင့် လူချအင်မတန်နံမည်ကြီးတဲ့
လှဟန် ကြီးကို မီးစိမ်းပြလိုက်တာ သတိရမိပါတယ်။
လှဟန်ကြီး တွယ်လိုက်တာ ဒိုင်လည်းမမြင်ရပဲ အီရန်ဘောသမားတွေကို
ထမ်းစင်နဲ့ ထုတ်.ထုတ်သွားရကြောင်း ခင်မောင်ထွေး(ပျဉ်းမနား) ပြန်ရေး
ပြထားတဲ့စာအုပ်မှာဖတ်ဖူးခဲ့ပါတယ်။

အဲဒီမြန်မာ့ဘောလုံးရွှေခေတ်တုန်းက ဂျာမဏီနိုင်ငံကအသင်းမျိုးတွေတောင်
မြန်မာနိုင်ငံကို ခြေစမ်းပွဲတွေလာကန်လောက်အောင် မြန်မာ့ခြေဟာကမ္ဘာ့
အဆင့်မှီခဲ့ပါတယ်။
အောင်ဆန်းကွင်းထဲမှာ မြန်မာ့လက်ရွေးစင် လှဌေး၊ ဖြူဖြူ သေးသေး က
ဂျာမဏီနောက်တန်း လူထွားကြီးတွေကို အရူးဖြစ်ကျန်အောင် လိမ်ခေါက်လို့
ဂိုးရအောင်သွင်းခဲ့တာကို ဖေဖေနဲ့သွားကြည့်ရင်း မျက်စိထဲစွဲနေဖူးပါတယ်။
.........................................................
"အ.ထ.က(၁) ပခုက္ကူ ဂုဏ်ဆောင်ဘောလုံးသမားများ"

မှတ်မိသမျှ ၁၉၇၈ ၀န်းကျင်တုန်းက ပခုက္ကူ အထက(၁) မှာ
လက်ရွေးစင်တွေအနေနဲ့ ကစားခဲ့ကြတဲ့သူတွေကတော့
မောင်ကိုလေး(ပေါင်းလောင်းရှင်)၊ မောင်ကို(K ကြီး)၊
ကျော်မင်း(ထင်းတန်း)၊မိုးမောင်သန်း(ဗုဒ္ဓကုန်း)၊ မင်းမော်( ဗုဒ္ဓကုန်း)၊
အောင်ကျော်ဆန်း(စွန်သိုက်)၊ခင်မောင်သန်းဦး(ဘဏ်)၊ဖိုးရွှေ(စွန်သိုက်)၊
ကျော်လင်း(ပေါင်းလောင်းရှင်)၊စံဝင်းမောင်(ရွှေကူ)၊ လွင်မော်ဦး(ရွှေကူ)၊
ဥာဏ်ထွန်း(စိန်ပျံ)၊ တင်ဌေး(၀ါးတန်း)၊ငွေစိုး(ဗုဒ္ဓကုန်း)၊
ခင်မောင်ဌေး(ချောင်းကူး)၊မောင်ကိုကို(အီစမန်)၊ ဝေလင်းဦး(ရွှေကူ)၊
ကျော်မင်း(တပ်ရင်း ၈၇)၊ မင်းဟန်(ဖိုးပါ၊ရဲစခန်း)၊ ဂျော်လီသန်း၊
တော်မီသန်း၊ တင်ထွန်း(ဖိုးကုလား)၊ ၀င်းနိုင်(ခေါလေး)၊
မောင်ကို(ထင်းတန်း)၊ ဖိုးကျော်(တံတားဦး)၊ သန်းဆွေ(၀ါးတန်း)၊
တို့ဖြစ်ကြပြီး ရေစကြို အထက၊ ပေါက် အထက၊ မြိုင် အထက
ကျောင်းတွေနဲ့အပြန်အလှန် ချစ်ကြည်ရေးပွဲတွေ
ကစားခဲ့ကြဘူးပါတယ်။
...............................................................
"ပခုက္ကူမြို့နယ် လက်ရွေးစင်အားကစားသမားများ"
(၂၅ မြို့နယ် ကျောင်းပေါင်းစုံပြေးခုန်ပစ်ပြိုင်ပွဲ)

၁၉၇၈ ၀န်းကျင်တွေတုန်းက၂၅မြို့နယ်ကျောင်းပေါင်းစုံပြေးခုန်ပစ်ပြိုင်ပွဲကို
မကွေးတိုင်းကွင်းကြီးမှာ နှစ်စဉ်ကျင်းပလေ့ရှိပြီး မြို့နယ်အသီးသီး
မှကျောင်းသားလက်ရွေးစင်တွေအကြိတ်အနယ်ယှဉ်ပြိုင်
ကစားခဲ့ကြပါတယ်။
ပခုက္ကူမြို့နယ်အသင်းဟာလည်း ဆားစည်ကျောင်း၊ မကွေးကောလိပ်
စတဲ့နေရာတွေမှာ တည်းခိုလို့ယှဉ်ပြိုင်ခဲ့ကြပါတယ်။

အားကစားသမားအကျော်အမော်တွေကတော့
ခင်မောင်သန်းဦး(ထ၁၊တာလတ်)၊အောင်မောင်း(မီတာတစ်သောင်း)၊
ငွေကြူ (၀ါဇီ)၊ ခင်ကျော်စိုး (မီတာ၁၀၀.၀ါဇီ)၊
မင်းမော်(ထတစ်၊တန်းကျော်ပြေး)၊ ဇော်မင်း(ထ၁၊အပြေး၊ တပ်ရင်း ၈၇)
ကံချွှန်မော်(ထ၁၊အလျားခုန်)၊ ကျော်သက်ဦး(ထ၁၊ တာတို)၊
ဇော်ဝင်းနိုင်(ထ၂၊အပစ်၊ တပ်ရင်း ၈၇) ၊ သန်းမြင့်(ထ၂၊မီတာ၂၀၀) တို့နဲ့

မဝေ(ထ၁၊ ရဲစခန်း) အေးအေးမြင့်(လ၂၊ တာတို)၊ ၀င်းမို့မို့(ထ၁၊ တာတို)၊
ခင်အေးညို(လ၂၊အမြင့်ခုန်)၊ခင်လေးနွယ်(၀ါဇီ၊ အလျားခုန်)၊
အေးအေးညွန့်(ဒေါင်းလှ၊ တာတို) တို့ဖြစ်ကြပါတယ်။
.........................................................
"ပခုက္ကူ ကောလိပ် ဂုဏ်ဆောင်ဘောလုံးနှင့်အားကစားသမားများ"

၁၉၈၀ ၀န်းကျင်တွေမှာ ပခုက္ကူကောလိပ်လက်ရွေးစင် အသင်းဟာ
တက္ကသိုလ်နှင့်ကောလိပ်ပေါင်းစုံ ဘောလုံးပြိုင်ပွဲရဲ့ ပေါင်းလောင်းဇုံမှာ
ယှဉ်ပြိုင်ကစားခဲ့ကြပါတယ်။
ပျဉ်းမနားမြို့နယ်ရဲ့မြက်ခင်းထားတဲ့ဘောလုံးကွင်းမှာ ယှဉ်ပြိုင်ခဲ့ကြပြီး
ရေဆင်း စိုက်ပျိုးရေးတက္ကသိုလ် မှာတည်းခိုခဲ့ကြရပါတယ်။
သိန်းရွှေ(ကွမ်းရွာ)၊ ခင်မောင်ဌေး(ချောင်းကူး)သိန်းဖေ(ဂန့်ဂေါ)၊
ဝင်းနိုင်(ထီးလင်း)၊ရေမွန်(ချင်းပြည်နယ်)၊မင်းဟန်(ဖိုးပါ၊ရဲစခန်း)၊
မင်းမော်(ပခုက္ကူ)၊ တင်မင်း(ပခုက္ကူ)၊ခင်မောင်သန်းဦး(ပခုက္ကူ)၊
ဝင်းနိုင်( ငကြွက်၊ ပေါင်းလောင်းရှင်)၊ ဗေဒင်(ခေါ်)လှမျိုးအောင်၊
အောင်ကျော်ဆန်း(စွန်သိုက်)၊ စိုးဝင်း(စွန်သိုက်)၊ အောင်ကို(ဂိုး)၊
ကိုမွှေး၊မင်းလွင်၊ ၀င်းလွင်၊တင်မောင်ဝင်း(ဖိုးချော)
တို့ပါဝင်ကစားခဲ့ကြပါတယ်။

တက္ကသိုလ်နှင့်ကောလိပ်ပေါင်းစုံပြေးခုန်ပစ်ပြိုင်ပွဲကို
ရန်ကုန်၊ အောင်ဆန်းကွင်းမှာ သွားရောက်ယှဉ်ပြိုင်ခဲ့ကြတဲ့
အားကစားသမားအကျော်မော်တွေကတော့
မြင့်မြင့်ဌေး(လှန်တံပစ်) တိုးတိုးမြင့်(သံလုံးပစ်)မာလာသော်(ပခုက္ကူ)
အေးအေးမူ(ထီးလင်း)စန်းစန်းဦး(ထီးလင်း)ခင်မာဦး(ဂန့်ဂေါ)
အေးအေးမော်(၀ါဇီ၊ အလျားခုန်)၊ သန်းသန်းနု(၀ါဇီ၊ သံပြားပစ်)
သိန်းဖေ(ဂန့်ဂေါ၊ တာတို)ခင်မောင်သန်းဦး(တာလတ်)၊ ဖိုးထူး၊ ၀င်းနိုင်၊
မင်းမော် (တန်းကျော်ပြေး၊ သုံးဆင့်ခုန်)၊ဌေးမြင့်(ဟန်နီ၊ အလျားခုန်)၊
ငွေစိုး(ဆောက်လုပ်ရေး) ဆန်နီ(အရှေ့တပ်၊ အပစ်)
စတဲ့ကစားသမားတွေဖြစ်ပြီး သမိုင်းမှာရှိတဲ့ မေခဆောင်နဲ့ သရဖီဆောင်
တွေမှာ တည်းခိုကာယှဉ်ပြိုင်ခဲ့ကြတာပါ။

                                             ၁၉၇၉-၈၀ ပခုက္ကူဒေသကောလိပ်ပြေးခုန်ပစ်အသင်း

ဘော်လီဘောကစားခဲ့တဲ့သူတွေကတော့ ဇော်ဝိတ်(ဒေါင်းလှ)၊ဖေသန်း၊
စိုးလှိုင်(သစ်တော)၊ကိုကိုအောင်(မြင်းခြံ)၊ မင်းဟန်၊ မောင်မောင်လတ်၊
ခင်မောင်ဌေး(ယော)၊သောင်းထွန်း၊ သာလွန်ကျော်၊ မောင်မောင် တို့နဲ့
နွယ်နွယ်စိမ်း၊ မို့မို့စိမ်း၊ခင်ခင်မိုး၊ မြင့်မြင့်ဝေ၊ ခင်ခင်လေး၊
သန်းသန်းမြင့်၊ သန်းသန်းနု၊မြင့်မြင့်အေး၊ ဌေးဌေးမောင်(ရေနံချောင်း)
တင်တင်အေး၊ မခင်ဝင်း၊ မစန်းရင်၊ ၀ါဝါ တို့ဖြစ်ကြပါတယ်။
စားပွဲတင်တင်းနစ်ကိုတော့ စိုးစိုး၊ ဇော်လွင်၊ စန္ဒာဆွေ၊ မလေးစမ်း တို့
ကစားခဲ့ကြပါတယ်။
ကြက်တောင်လက်ရွေးစင်တွေကတော့ မြင့်ဝင်း၊ ကျော်ကျော်ဝင်း
ကျော်ကျော်ထွန်းတို့ဖြစ်ပြီး
ကရာတေးသမားတွေကတော့ သက်နိုင် နဲ့ မောင်မောင်မျိုးနိုင်ဖြစ်ပါတယ်။

၁၉၈၀ ၀န်းကျင်မှာ ပခုက္ကူကောလိပ်ခြေလျင်နှင့်တောင်တက်အသင်း
ဟာလည်းဝိတိုရိယတောင်(ချင်းပြည်နယ်)၊
အရှေ့မြင်အနောက်မြင်တောင်(ရှမ်းပြည်နယ်)
အံတောင်၊ နာမ်တောင်(မွန်ပြည်နယ်) တွေကိုအောင်မြင်စွာ
တက်ရောက်နိုင်ခဲ့ကြပါတယ်။

ကျောင်းသူကျောင်းသားအဖွဲ့ဝင်တွေကတော့
လှသက်တင်မိုး၊စိန်ဌေး(ဗိုလ်ချုပ်လမ်း)၊ ဗစ်တာရဲလွင်(ပေါက်)၊
ဇော်ထွန်း(မြစ်ခြေ)၊မြင့်စိုးဝင်း(ပေါက်)၊ စိန်သိန်း၊ ရဲလွင်၊ စိုးညွန့်အောင်၊
ကြည်စိုး(ကောက်ရ)၊ ညီညီ၊ မြင့်စိုးညွန့်၊ သိန်းမြင့်၊ စန်းဝင်း၊ တင့်လွင်၊
နေအောင်၊ သာလွန်ကျော်၊ ကြည်ညိုဟိန်း၊ ကျော်ဝင်း၊ ကျော်စိုး၊ ရဲညို၊
မျိုးလွင်၊ စိုးလွင်၊သိန်းထွန်း၊ခင်မောင်စိန်၊ ဘသိန်း၊၀င်းမြင့်မောင်၊
ဥာဏ်ဝင်း၊ မောင်မောင်၊ အောင်တင့်၊သက်နိုင်(အရှည်ကြီး)၊ ကျော်ကျော်နိုင်၊
ဟန်လင်းအောင်၊ ခိုင်ဝင်း၊ သက်နိုင်၊ ခင်မောင်လေး၊မောင်မောင်မျိုးနိုင်၊
ဖူးကြီး၊ ကျော်လွင်၊ကျော်ဝင်း၊ ခင်မောင်လွင်၊ ခင်မောင်သိန်း၊သာစိုးမောင်၊
ကျော်မင်းဦး၊မောင်ဘ၊ တြွမ်ဘိ၊ စိုင်းခိုးလျှန်၊ အောင်ဆွေ၊ အောင်ခိုင်ငြိမ်း၊
တို့နဲ့ရေစကြိုက မြင့်မြင့်စိုး၊ကောင်းမွှေး၊သက်သက်မာ၊ ဥမ္မာခင်၊
ဝင်းဝင်းမော်၊စီစီကျော်၊မမျိုး၊ မြင့်မြင့်အေး၊ မသန်းစိန်၊ ခင်ညိုထွန်း၊
မလေး၊ ၀င်းမြင့်သန်း၊၀ါဝါချို တို့ဖြစ်ပြီး
ပခုက္ကူက ယုယုမော်၊ခင်မျိုးမြင့်၊ သီတာမောင်မောင်၊ တင့်တင့်စိုး၊ ခင်လေးဆွေ၊ မော်မော်သီ၊ စိုးစိုးမော်၊
အေးအေးစိန်၊ ခင်မြင့်မေ၊ခင်စောဝင်း၊ဆွေဆွေဝင်း၊ သန်းသန်းဌေး၊ မြတ်မွန်သောင်း၊
အေးအေးမော်၊ ရီရီဆွေ၊မော်မော်ဌေး၊ ခင်မမကို၊ခင်လေးဆွေ၊ မမနီ၊ မမလင်း၊
အေးအေးအောင်၊မင်းမင်းပို၊ ခါးခါး၊ မာလာမြင့်၊ ကြည်ကြည်မြင့်၊ မြင့်မြင့်သိန်း၊
မလေး(မြစ်ခြေ) မြင့်မြင့်ကြည်(ဆိပ်ဖြူ)တို့ ဖြစ်ကြပါတယ်။
............................................................
"ပခုက္ကူမြို့နယ် ဂုဏ်ဆောင် အားကစားသမားများ"

၁၉၇၈ ၀န်းကျင်တွေမှာ ပခုက္ကူမြို့နယ်ကို ကိုယ်စားပြုလို့ ယှဉ်ပြိုင်ကစား
ခဲ့ကြတဲ့ ကျွန်တော်သိသမျှ အားကစားအကျော်အမော်တွေကတော့
စားပွဲတင်တင်းနစ် မှာ ဦးတင်ဖေ၊ ကိုအောင်ဝင်း၊ ကိုကျော်ဇေယျ၊
ကိုဂျပန်၊ ကိုကျော်အေး(စီးကရက်)၊ မြင့်လှိုင်(သွားဆရာဝန်)၊
ကိုတာဇံ၊ ဥက္ကာ(ဆောက်လုပ်ရေး)တို့ဖြစ်ကြပြီး

ဂေါက်သီး မှာတော့ ကိုဆွေထွန်း၊ ကိုကြည်အေး၊ ကိုမာမက်၊ ကိုအလီ၊ ကိုမြင့်လွင်(မောင်မောင်မြင့်လွင်)၊
ကိုကြည်လွင်၊ ကိုခင်မောင်ညို၊ ကိုသန်းထွန်း၊ ကိုသန်းဝင်း၊ ကိုလှသန်း၊ ကိုညီညီ၊ ကိုစိုးမြင့်၊
ကိုဌေးညွန့်၊ မဂူရီး တို့ဖြစ်ကြပါတယ်။

သုံးဆင့်ခုန် နဲ့ အလျားခုန် ချန်ပီယံကတော့ ကိုခင်ညို(ပေါင်းလောင်းရှင်)
ဖြစ်ပြီး သူကဘောလီဘောရိုက်ကောင်းသူလည်းဖြစ်ပါတယ်။
ကိုတာ(စီးကရက်) ကတော့အရပ်ရှည်သလို ဘောလီဘောရိုက်ချက်တွေ
ကလည်းအင်အတန်ပြင်းလှပါတယ်။
အင်မတန်အပင့်အထောင်ငြိမ်တဲ့ နိုင်နိုင်အောင်(စီးကရက်) နဲ့
အတွဲညီတဲ့ ပြုံးချို ကိုသတိရနေပါသေးတယ်။
ဒေါင်းလှရပ်ကွက်ထဲက ဇော်ဝိတ် ကလည်းဘော်လီဘောကစားတာမှာ
တော်တဲ့သူတစ်ယောက်ပါ။
၁၉၇၄ ၀န်းကျင်တုန်းက စီးကရက်စက်ရုံဝန်ထမ်းရိပ်သာထဲက တက္ကသိုလ်
ကျောင်းသား ကိုမြင့်လူ ကလည်း ဘော်လီဘောတော်သူတစ်ဦး
ဖြစ်ပါတယ်။

ပခုက္ကူစီးကရက်စက်ရုံ ဘောလုံးကွင်းထဲမှာ မြန်မာ့တာတိုအပြေးချန်ပီယံ
မသန်းသန်း နဲ့ အတူတူ အပြေးလေ့ကျင့်ခဲ့ဘူးတာလည်းအမှတ်ရမိပါတယ်။
မသန်းသန်းရဲ့ ခင်ပွန်း ကိုဌေးအောင်က စက်ရုံမှာတာဝန်ကျလို့ဖြစ်ပါတယ်။

ဦးခင်မောင်ရင်ကတော့ ဘတ်စကက်ဘောမှာ under လို့ခေါ်တဲ့ ဂိုးအောက်
ကနေ သွင်းတာမှာအင်မတန်တိကျတဲ့သူပါ။
ပေါင်းလောင်းရှင်ထဲက ကိုကျော်မြင့် ကလည်း တာလတ်၊ တာရှည်
အပြေးသမားကောင်းတစ်ယောက်ဖြစ်ပါတယ်။
မိုင်ရှည်စက်ဘီးမှာတော့ ကိုလှသိန်း(စီးကရက်)က အမြဲဗိုလ်စွဲတတ်သလို
မင်းဇော်(စီးကရက်) ကလည်းဆုရခဲ့ဘူးပါတယ်။
စစ်တုရင် တော်တဲ့သူတစ်ဦးကတော့ အခုဘုန်းကြီးဝတ်နေတဲ့ စာတိုက်
ထဲက မင်းသိန်း ဖြစ်ပါတယ်။

လက်ဝှေ့ပြိုင်ပွဲအတွက် အကျော်အမော်တွေကတော့ ကိုရဲမြင့်စိုး( ဘူးသီး)၊
မောင်ကို(K ကြီး)၊ ကိုဌေး(ဈေးအနောက်ဘက်)၊ ကိုမျိုးမြင့်မော်၊ ကိုရဲလွင်၊
ကိုလှဝင်းမောင်(ရဲညို) စတဲ့သူတွေဖြစ်ကြကြောင်း၊

တချို့သူတွေလည်းလူ့လောက ကနေခွဲခွာသွားကြပြီဖြစ်ပေမယ့်
တစ်ခေတ်တစ်ခါက သူတို့စွမ်းတဲ့ဘက်မှာမကွေးတိုင်း၊ ပခုက္ကူမြို့နယ် နဲ့
ကျောင်းတွေ၊ ရပ်ကွက်တွေအတွက်ဂုဏ်ဆောင်ပေးခဲ့ဘူးကြကြောင်း
လက်လှမ်းမှီမှတ်မိသမျှ ဂုဏ်ပြုတင်ပြလိုက်ရပါတယ်ခင်ဗျား။

(စနစ်တကျမှတ်တမ်းများကို ကိုးကားရေးခြင်းမဟုတ်ဘဲ မိမိမှတ်မိသမျှ ၁၉၇၈
ဝန်းကျင်သာရေးသားခြင်းဖြစ်တဲ့အတွက် ပြည့်စုံမှုရှိမည်မဟုတ်ပါကြောင်း)

(Fb post 11.02.18)

"ရောမရေချမ်းစင်" (Water fountains in Rome, Italy)

                                        ဗင်းနစ်မြို့ထဲကသောက်ရေသန့်တိုင်

အီတလီနိုင်ငံ၊ ရောမမြို့တော်ရဲ့ နေရာအနှံအပြား
မှာသောက်ရေတိုင်(ရေချမ်းစင်) လေးတွေကနေ ဖွင့်စရာမလိုပဲ
သောက်ရေသန့်တွေအမြဲထွက်ကျနေတာကို တွေ့ရမှာဖြစ်ပြီး လူများ
သောက်နိုင် သုံးနိုင်ကြပါတယ်။

ကျွန်တော်တို့နေထိုင်ရာ ဒိန်းမတ်နိုင်ငံမှာတော့ Tap water လို့ခေါ်တဲ့
အိမ်တွေကိုလာတဲ့ရေတိုင်းဟာ သောက်ရေသန့်ဖြစ်ပြီး အန္တရာယ်ကင်းစွာ
သောက်သုံးနိုင်ကြောင်း ကျန်းမာရေးဝန်ကြီးဌာနကထုတ်ပြန်ထားပါတယ်။

ကျွန်တော်သိသလောက် ဆွီဒင်၊ နော်ဝေး၊ ဂျာမဏီ၊ ဘယ်(လ်)ဂျီယမ်၊ ဆွစ်စလန်၊
ဟော်လန်၊ အင်္ဂလန်၊ ပြင်သစ်၊ ဖင်လန်၊ အိုင်ယာလန် စတဲ့နိုင်ငံတွေမှာလည်း
Tap water ဟာသောက်ရေသန့်ဖြစ်ကြောင်းသိရပါတယ်။
ဒါကြောင့်အဲဒီနိုင်ငံတွေသွားရင် သောက်ရေဘိုးအထူးထည့်တွက်စရာ
မလိုပေဘူးပေါ့ခင်ဗျာ။

အီတလီနိုင်ငံက ရောမ၊ ဗင်းနစ် စတဲ့မြို့တွေမှာတော့ လမ်းဘေးနေရာ
အနှံအပြားမှာ သောက်ရေသန့်တိုင်လေးတွေရှိပေမယ့် ဟော်တယ်မှာ
သောက်ဖို့နဲ့ ကိုယ်သောက်ချင်တဲ့အချိန်မှာသောက်နိုင်ဖို့အတွက်ကတော့
ဈေးဆိုင်တွေကနေ သောက်ရေသန့်ဝယ်သောက်ရမှာပဲဖြစ်ပါတယ်။
သောက်ရေသန့်တိုင်လေးတွေ တွေ့တဲ့အခါမတော့ အလကားရေဖြည့်
လို့ရတာပေါ့။

ရောမမှာအခုလို အများပြည်သူသောက်သုံးဖို့ သောက်ရေတိုင်တွေကို
တွေ့ရပြီး သမိုင်းကိုပြန်ကြည့်မိတော့
ဟိုး..လွန်ခဲ့တဲ့ နှစ်ပေါင်း နှစ်ထောင်နီးပါး ကတည်းက ပရိသတ်
ခြောက်သောင်းဝန်းကျင်ကြည့်ရှုနိုင်တဲ့ လူသတ်ကွင်းကြီး (Colosseum)
မှာလူတွေသောက်သုံးနိုင်ဖို့ ရေထွက်ပေါက်ရေပန်း ငါးဆယ်ဝန်းကျင်
ပြုလုပ်ပေးထားခဲ့ဘူးကြောင်းတွေ့ရပါတော့တယ်။
ပြည်သူတွေသောက်ရေ၊ သုံးရေ ဖူလုံအောင် ရှေးလူကြီးတွေအမျှော်အမြင်
နဲ့စီစဉ်ခဲ့ကြပုံများပြောပါတယ်။

                                                ရောမမြို့တော်ထဲကသောက်ရေသန့်တိုင်တစ်ခုမှာ

...................................................

"ယောက်ျားများဈေးဝယ်တော်ချက်"...(ရောမမှာရေ၀ယ်ခြင်း)

ရောမမြို့ထဲက ဈေးဆိုင်တိုင်းမှာ ရေသန့်ဘူးတွေကို ဆိုင်ရှေ့တွေမှာ
အများအပြားချရောင်းနေကြတာတွေ့ရပါတယ်။

ကျွန်တော်တို့မိသားစု ရောမရောက်တော့ လျှောက်လည်ကြပြီး ညဘက်
ဟော်တယ်အပြန်လမ်းမှာ သောက်ရေသန့် ၀င်ဝယ်၊ဘူးကြီးတွေ ထမ်းလို့
စကားတပြောပြောနဲ့ ပြန်နေကျဖြစ်ပါတယ်။
ရေသန့်ဘူးကြီး ၆ ပုလင်း Packageလုပ်ထားတာကို သားအမိ၂ယောက်
ဝင်ဝယ်နေကျပါ။ နှစ်ရက်တစ်ကြိမ်ဝယ်ရပါတယ်။
ကျွန်တော်က သူရို့ဝယ်ပြီးထွက်လာမှ ကူသယ်ပေးရုံပါပဲ။

တစ်ညသားတော့ ညဆယ်နာရီဝန်းကျင်လည်းရှိနေတာမို့ ထမင်းစားပြီးကြရင်
ဟော်တယ်တန်းပြန်နိုင်အောင် တရုတ်ဆိုင်မှာ ဟင်းတွေမှာထားတုန်း
သူရို့သားအမိထားခဲ့ပြီး ကျွန်တော်ကအနားမှာရေသန့်ဘူး ၀ယ်ရအောင်
ထွက်ခဲ့ပါတယ်။

တစ်မိနစ်လောက်လျှောက်ကြည့်လိုက်တော့ မီနီမာကက်တစ်ခုတွေ့ပြီး
ဆိုင်ရှေ့မှာ ရေသန့်ဘူးတွေစီချထားတာတွေ့တော့ပျော်သွားပါတယ်။
ကျွန်တော်တို့ဝယ်နေကျ ခြောက်ဘူးအတွဲလိုက်လည်းတွေ့ရပါတယ်။
သူရို့သားအမိပဲဝယ်နေကျမို့ ဘယ်လောက်ပေးရမှန်း မသိပါဘူး။

ဈေးအရင်မေးနေရင် ပေါက်ဈေးမသိတဲ့ကောင်ဆိုပြီးဈေးတင်ပြောမှာ
စိုးတာကြောင့်...
ဈေးသိပြီးသားပုံစံနဲ့ ခြောက်ပုလင်းတွဲကိုယူလို့ ကောင်တာပေါ်တင်ရင်း
"ဒါ..ယူမယ်" ဆိုင်ရှင်မုတ်ဆိတ်ကို ခပ်တည်တည်နဲ့ဖိန့်လိုက်ပါတယ်။
မုတ်ဆိတ်ကလည်း ကျွန်တော့်ကိုတစ်ချက်ရှိုးလို့ " five euro"
လို့ ပြောလို့ ထုတ်ပေးဝယ်ခဲ့ပါတော့တယ်။

တရုတ်ဆိုင်ပြန်ရောက်တော့ "အဖေကြီး ဘယ်လောက်ပေးခဲ့ရတုန်း" တဲ့
အေးရာအေးကြောင်း သူရို့ထက်လည်းသာအောင် တစ်ကျပ်လျှော့လို့
"လေးကျပ်" (4euro) လို့ဖြေလိုက်ပါတယ်။
ဈေးသိပ်မကွာပါဘူး ဆိုတာကြောင့် ညည်းတို့ဘယ်လောက်ပေးရတုန်း
ဆိုတော့ သုံးကျပ် (3euro)ပဲ ပေးရကြောင်းသိရပါတော့တယ်။

တော်သေးရဲ့ တစ်ဆယ်(10euro) မပြောလိုက်တဲ့ မုတ်ဆိတ်ကိုတောင်
ကျေးဇူးတင်ရတော့မလိုလို....:)

(1euro=1500 kyats ၀န်းကျင်)

(Facebook post. 14th July.2017.)
ကိုးကား        Wikipedia pages

"ကလေး၊ လူငယ်၊ လူကြီးတို့အတွက်မြန်မာ့စွယ်စုံကျမ်း.."

"သားရေ ဖေဖေတို့ စွယ်စုံကျမ်းတွေဝင်မယူခင် ဆီချက်ခေါက်ဆွဲ အရင်
စားကြရအောင် ဟေ့"
စာပေဗိမာန် စာအုပ်အရောင်းဆိုင်ထဲမ၀င်ခင်ဖေဖေက ကျွန်တော်
ကြားချင်နေတဲ့စကားကိုပြောလိုက်တာပါ။

၁၉၇၂ ၀န်းကျင်ရဲ့ တစ်ရက်သောနေ့လည်ခင်းတစ်ခုမှာ
ကျွန်တော်တို့နေထိုင်ရာ ဘောက်ထော်၊ သုခိတာလမ်းကနေ
သားအဖ၂ယောက် ဖေဖေမှာထားတဲ့မြန်မာ့စွယ်စုံကျမ်း အချို့
ယူဖို့ ရန်ကုန်မြို့ထဲကိုထွက်လာခဲ့ကြတာဖြစ်ပါတယ်။

ကျွန်တော်က ရန်ကင်း၊ အလက(၄)မှာ တက်နေတဲ့ စတုတ္ထတန်းကျောင်းသား
ဖြစ်ပြီး၊ ညီမလေးဖြစ်သူ တင်တင်ခိုင်က သူငယ်တန်းကျောင်းသူကြီးပေါ့ခင်ဗျာ။
ဖေဖေ ဦးလှမြင့်ကတော့ ရန်ကုန်၊ ကမာရွတ်၊ သုခလမ်းကစီးကရက်စက်ရုံ မှာ
အလုပ်ဝင်နေပြီး ညပိုင်းမှာတော့ ရန်ကင်း၊ အထက(၁) မှာဖွင့်လှစ်ထားတဲ့
လူ့ငယ့်ရေးရာညကျောင်းမှာကျောင်းအုပ်တာဝန်ယူကာ သူငယ်ချင်းဖြစ်တဲ့
ကဗျာဆရာကြီး ဦးတင်မိုးနဲ့အတူ စာသင်ပြနေတဲ့အချိန်ဖြစ်ပါတယ်။
မေမေ ဒေါ်ခင်စန်းမြိုင် အလက(၃)မြောက်ဥက္ကလာ မှာ အထက်တန်းပြ
ဆရာမ တာဝန်ထမ်းဆောင်နေစဉ်တုန်းကပေါ့ခင်ဗျား။

လွန်ခဲ့တဲ့ ၄၅ နှစ်ဝန်းကျင်က အာရုံမှာဝိုးတ၀ါးထင်ကျန်နေဆဲ ပုံရိပ်လေးတွေ
ကို ပြန်ဖမ်းရရင်တော့ ဟံသာဝတီအ၀ိုင်းနားက အဆောက်အဦးမှာ တင်ထားတဲ့
စာပေဗိမာန် ဆိုတဲ့ ဆိုင်းဘုတ်ကို မှတ်မှတ်ရရ ရှိနေပါသေးတယ်။
အဲဒီထဲကိုလည်းမရောက်ဘူးပေမယ့် ပြည်လမ်းပေါ်ကဖြတ်သွားတိုင်း ဖတ်နေကျ
ဆိုင်းဘုတ်မို့မှတ်မိနေတာပါ။ ပုံနှိပ်ဌာန ဖြစ်ပုံရပါတယ်။

ကျွန်တော့်ကို ဖေဖေခေါ်သွားတဲ့ စာပေဗိမာန်အရောင်းဆိုင်ကတော့
၁၉၇၀ ၀န်းကျင်အချိန်တွေမှာ အိန္ဒိယဇာတ်ကားတွေတင်တတ်တဲ့ "သီဟ"
ရုပ်ရှင်ရုံနားကနေလမ်းဆက်လျှောက်သွားကြပုံရပါတယ်။
ကုန်သည်လမ်း ပေါ်ကနေ နည်းနည်းဝင်လိုက်ရင်ရောက်ပြီလို့ထင်ပါတယ်။
အသက် ၄၀ကျော်ကာစ ဖေဖေနဲ့ ကျွန်တော် ၁၁ နှစ်သားတုန်းက ပုံရိပ်လေး
တွေဖြစ်ပြီးဖေဖေမရှိတော့ပေမယ့် ကျွန်တော့်အာရုံမှာတော့ထင်ကျန်နေဆဲ
ပါ။

အဲဒီစာပေဗိမာန်ရှေ့နားက တွန်းလှည်းနဲ့ တရုတ်ကြီးရောင်းတဲ့ ဆီချက်ခေါက်ဆွဲကို
ဖေဖေက အဲဒီနားရောက်တိုင်းဝယ်ကြွေးနေကျဖြစ်လို့ ဒီဆောင်းပါးအဖွင့်
မှာရေးထားတဲ့အတိုင်း ဖေဖေက ဆီချက်စားမယ် ပြောလိုက်တော့ ကျွန်တော်ဝမ်းသာသွား
တာပဲဖြစ်ပါတော့တယ်။

ကြုံကြိုက်လို့ပြောရရင်တော့ ဖေဖေရော၊ ကျွန်တော်ပါ ဆီချက်ခေါက်ဆွဲ
ကြိုက်ပါတယ်။ ဆီချက်ကောင်းတဲ့ဆိုင်တွေကိုလည်းရှာစားလေ့ရှိပါတယ်။
စီးကရက်စက်ရုံမှာ အလုပ်လုပ်တဲ့ တရုတ်လူမျိုး ဦးရွှေက တစ်ခါတစ်ရံ
ကမာရွတ်ကနေဘောက်ထော် ကျွန်တော်တို့အိမ်အထိ လာလို့ ဆီချက်ခေါက်ဆွဲ
လာလုပ်ပေးတတ်သလို ဖေဖေကိုယ်တိုင်လည်း အလုပ်အားရက်အချို့မှာ
ကိုယ်တိုင်လုပ်ပေးပြီး မိသားစုထမင်းလွတ်စားလေ့ရှိပါတယ်။
ရေနံဆီမီးဖိုသုံးရတဲ့ခေတ်တွေပေါ့ခင်ဗျား။
(ဒိနောက်ပိုင်းကျွန်တော်အဝေးကြီးရောက်နေချိန်တွေမှာ အသက် ၇၀ ကျော်ဖေဖေက
အတူနေခဲ့တဲ့ ကျွန်တော့်ဇနီးကို တစ်ခါတစ်ရံ ဆီချက်ခေါက်ဆွဲ လုပ်ခိုင်း
တတ်ကြောင်းသိရပါတယ်။)

ဆီချက်တစ်လုံး(တစ်ပွဲ)ကို တစ်ကျပ်ပေးရတဲ့အချိန်မှာ
စာပေဗိမာန် နားက အဲဒီ ဆီချက်ခေါက်ဆွဲဆိုင်ကတော့တစ်ပွဲကို သုံးမတ်
(၇၅ ပြား) ပဲ ပေးရတဲ့အပြင် အရသာလည်းအလွန်ရှိတာကြောင့် အင်မတန်
ရောင်းကောင်းတာတွေ့ရပါတယ်။
အမဲအူပြုတ်ကတော့ ၅မူးပေးရင် ချွေးပျံအောင်ပူပူနွေးနွေးသောက်လို့ရပါတယ်။

ပခုက္ကူသား ကျွန်တော့်သူငယ်ချင်း ကဗျာဆရာ၊ စာရေးဆရာတွေဖြစ်ကြတဲ့
ကိုသိန်းအေး(လူထင်း)၊ ကိုစိုးမြင့်သန်း(နွေသင်နိုင်)တို့ တင်ထားတာတွေ
ဖတ်ရပြီး စွယ်စုံကျမ်း တွေပြန်ထုတ်မယ်ကြားရပါတယ်။
ကျွန်တော်နဲ့စွယ်စုံကျမ်းအကြောင်းကတော့ ရေးမယ်ဆိုတေးထားတာ နှစ်ချီ
နေပေမယ့် မရေးဖြစ်သေးပဲ ခုပြန်ထုတ်မယ်ဆိုကြားကာမှ ၀မ်းသာပြီးရေး
ဖြစ်ပါတော့တယ်။

ဒီလိုနဲ့ ၁၉၇၀ ၀န်းကျင်ကထဲက မြန်မာ့စွယ်စုံကျမ်း တွေဟာ ကျွန်တော်တို့အိမ်
ကိုရောက်ရှိလာပါတော့တယ်။
အတွဲလိုက်ထုတ်ဝေတာဖြစ်တာကြောင့် အတွဲစုံအောင်အဲဒီတုန်းက၀ယ်လို့
မရခဲ့ပေမဲ့ စာပေဗိမာန်ကိုတစ်ခေါက်သွားရင် ၂အုပ်၊ ၃အုပ် ရခဲ့တတ်ပြီး
နောက်ဆုံးမှာတော့ ၀ယ်လို့ရတဲ့ ၆အုပ်(၆တွဲ) ကျွန်တော်တို့ ဘောက်ထော်၊
သုခိတာလမ်းက အိမ်လေးရဲ့စာအုပ်စင်လေးပေါ်ရောက်ရှိလာတော့တာပါ။
တစ်အုပ်ကို အစိတ်(၂၅ ကျပ်) ပေးရကြောင်းဖေဖေပြောပြဘူးပါတယ်။
...........................................
"ကလေးတွေ ဆော့ကစားပါစေ.အပြင်စာဖတ်ပါစေ..."

၃တန်း၊ ၄တန်း ပဲရှိသေးတဲ့ကျွန်တော်ဟာ သုခိတာလမ်းထဲမှာ ဆော့ကစား
တဲ့နေရာမှာလည်း ရှေ့တန်းကပါခဲ့ပါတယ်။
စွန်ခေတ်၊ ဂျင်ခေတ်၊ ဂေါ်လီရိုက်ကြတဲ့ခေတ်၊ တွေမှာလည်းနောက်မကျစေပဲ
ရုပ်ပုံကားချပ်ဆိုလည်းထပ်လိုက်တာပဲ၊ ဂွေလှိမ့်ကြမယ်၊ ကြွေပန်းကန်စေ့
ထောင်ပစ် ကစားခဲ့ကြပါတယ်။
အိမ်မှာ ကြွေပန်းကန်ကွဲရင်ပျော်နေတာပေါ့ခင်ဗျား။
သားရေကွင်းခေတ်မှာဆိုရင်လည်း လက်မှာသားရေကွင်းတွေအများကြီးစွပ်ထား
နိုင်သူက ဆရာကြီးပေါ့။
ထုတ်စီးတိုးတာတောင် ရိုးရိုးမဟုတ်ပဲ ဒိုင်ဗင်ပစ်ဖမ်းလို့ရတဲ့ "ထုတ်ကြမ်း" ဆိုပြီး
ကျွန်တော်တို့ သုခိတာလမ်းထဲမှာကစားခဲ့ကြပါတယ်။

ကျွန်တော်တို့ အိမ်နောက်ဖေးက ဘောက်ထော်ဘောလုံးကွင်း ဖြစ်တာကြောင့်
ညနေတိုင်းလည်း ဘောလုံးကစားမပျက်ခဲ့ပါဘူး။
ဗိုလ်ကြီး ဘကြူး ရဲ့သား ရန်ကုန်တိုင်းလက်ရွေးစင် ကိုမြင့်ကြူး က ကျွန်တော်တို့
၁၀နှစ်ကျော်ကလေးတွေကို တစ်ခါတစ်လေ ဘောလုံးကန်သင်ပေးပါတယ်။
ကျွန်တော်တို့ ၁၀နစ်ဝန်းကျင်ကလေးဘောလုံးသင်းတောင်ဖွဲ့နိုင်ခဲ့ပါတယ်။
အသင်းနံမည်က ဖေဖေပေးတဲ့" ရှေ့ဆောင်လူငယ်" ဖြစ်ပြီး ကျွန်တော်တို့ ၁၀နှစ်
အရွယ်ကလေးတွေ ရွှေဂုံတိုင်ကို သွားလို့ စွပ်ကျယ်မှာ တံဆိပ်ရိုက်ခဲ့ကြပါတယ်။
အဲဒီတုန်းက ကျွန်တော်နဲ့ဘောလုံးကန်ဘက် သူငယ်ချင်း ကျော်ကျော်၊ မော်မော်
ညီအစ်ကိုတို့က နောက်တော့ ရန်ကုန်တိုင်းချန်ပီယန်တွေဖြစ်သွားသလို အဲဒီတုန်းက
ကျွန်တော်တို့ ဂိုးကျင်းကစားရင် နောက်ကဘောလုံးကောက်ရတဲ့သူရို့ညီ သန်းတိုးအောင်
က မြန်မာ့လက်ရွေးစင်ဖြစ်လာခဲ့ပါတော့တယ်။

ကလေးဘ၀အားရအောင်ဆော့ကစားခဲ့ရသလို တေဇ၊ ရွှေသွေး၊ ရွှင်ပြုံး၊
ဒို့ကျောင်းသားစာစောင် တွေဖတ်ခဲ့ကြရပါတယ်။
ပုံပြင်စာအုပ်တွေ၊ ဗိုလ်ချုပ်အောင်ဆန်းမိန့်ခွန်း တွေဖေဖေက ၀ယ်ပေးပါတယ်။
ကွန်းဇော်၊ ဂယက်နီ စတဲ့သူတွေက ကလေးလူငယ်တွေအတွက် စာကောင်း၊
ပေမွန်တွေရေးလေ့ရှိပြီး "ကင်းထောက်ရဲဘော်လေးများ" စာအုပ်ဟာ ကျွန်တော်
ငယ်ငယ်တုန်းကအကြိုက်ဆုံးဘာသာပြန်စာအုပ်လေးဖြစ်ခဲ့ပါတယ်။
............................................................
"ကလေးတွေ စွယ်စုံကျမ်း ဖတ်ပါစေ..."

စွယ်စုံကျမ်းတွေ အိမ်ရောက်လာတဲ့အခါကျ အကြီးကြီး၊ အထူကြီးတွေမို့
လူကြီးဖြစ်မှဖတ်ရမယ်လို့ အစကထင်ခဲ့ပါတယ်။
နောက်တော့ ဖွင့်ကြည့်ရင်းကနေဓါတ်ပုံတွေ၊ ရုပ်ပုံတွေ ဝေေ၀ဆာဆာနဲ့ဆိုတော့ သိချင်လာတော့ ဖတ်ကြည့်ဖြစ်ပြီး
မြန်မာ့စွယ်စုံကျမ်းကြီးတွေဟာ ကျွန်တော့်ငယ်ချစ်ဖြစ်ခဲ့ရပါတော့တယ်။
အကြောင်းအရာတွေကလည်း စိတ်ဝင်စားစရာကောင်းသလို တိုတိုလေးတွေနဲ့
ဖတ်တဲ့သူကို ဗဟုသုတ တိုးပွါးစေပါတော့တယ်။

စွယ်စုံကျမ်းတွေဟာ အက္ခရာစဉ်အတိုင်း အတွဲတွေခွဲထုတ်ဝေ၊ အကြောင်းအရာ
တွေဖေါ်ပြတာမို့ စာအုပ်တိုင်းဟာတန်ဘိုးရှိပြီး၊ ၀ယ်လို့ရတဲ့အတွဲတိုင်းဟာ
လည်းတန်ဘိုးရှိတာချည်းဖြစ်ပါတယ်။
အတွဲ ၃( ဂ-စင်း) အတွဲ ၄ (စောင်း-တူ) စသဖြင့် အက္ခရာစဉ်အတိုင်းအကြောင်း
အရာတွေကိုစုံလင်စွာဖတ်ကြရမှာပဲဖြစ်ပါတယ်။
စာရွက်သားကောင်းကောင်း ပုံနှိပ်စာလုံးကောင်းကောင်းရှင်းရှင်းနဲ့ ခန့်ညားစွာ
ချုပ်ထားတဲ့စာအုပ်ကြီးတွေပါ။
စွယ်စုံကျမ်း တစ်အုပ်လုံးမှာ ကြွေသားစာရွက်ပေါ်မှာ ဆေးရောင်စုံနဲ့ဓါတ်ပုံကြီး
၎ ပုံ၊ ၅ပုံ ပါတတ်ပါတယ်။
ဂုတ်ထိပ်တံတားပုံ၊ ဇင်းကျိုက်ရေတံခွန်ပုံတွေဟာ ဆေးရောင်စုံဓါတ်ပုံရှားပါး
တဲ့ခေတ်မှာ ၁၁ နှစ်သားကျွန်တော့်ကို အထူးစွဲဆောင်ပြီး အဲဒီအကြောင်းအရာ
ကိုဖတ်ဖြစ်စေပါတော့တယ်။
၎တန်းကျောင်းသားကတည်းကစာထဲမှာရောက်ဘူးနေတဲ့ ဂုတ်ထိပ်တံတားနဲ့
ဇင်းကျိုက်ရေတံခွန်ကို လူကိုယ်တိုင်လည်း အဲဒီအချိန်ကထဲကရောက်ဘူးချင်ပေမယ့်
အခုကျွန်တော် အသက် ၅၆ နှစ်ထိရောက်ခွင့်တော့မကြုံသေးပါဘူး။

စွယ်စုံကျမ်း ဟာ ကလေးတွေအတွက်ပျင်းစရာမကောင်းတဲ့အပြင် လှန်ဖတ်ကြည့်
ရင်းနဲ့ ဖတ်ချင်နေတော့မှာဖြစ်ပါတယ်။
၁၉၇၀ ၀န်းကျင် ကျွန်တော်တို့ ရန်ကုန်၊ သုခိတာလမ်းမှာနေစဉ်ကတည်းက အဲဒီ
မြန်မာ့စွယ်စုံကျမ်းတွေဟာ ဖေဖေ ရွှေ့ပြောင်းရာကို လိုက်ပါလာခဲ့ပြီး အခုတော့
ပခုက္ကူ၊ မြို့သစ် အိမ်မှာ စာအုပ်သက် နှစ် ၅၀ ပြည့်တော့မှာပါ။

ညီမလတ် လွင်လွင်ခိုင်ရဲ့ အမွှာ ၂ယောက်ဖြစ်တဲ့ ဘုန်းမြတ်မင်း နဲ့ မြင့်မြတ်ခိုင်မင်း
တို့လည်း အစကစွယ်စုံကျမ်းကြီးတွေဆိုတော့ လှန်မကြည့်ဖြစ်ပေမယ့်
အခု ခြောက်တန်းရောက်လို့ လှန်ကြည့်ဖြစ်တဲ့အခါမှ ပျင်းစရာမကောင်းတဲ့အပြင်
စိတ်ဝင်စားစရာ ဗဟုသုတရစရာတွေပြည့်နေတာမို့ ပျင်းတိုင်း၊ အချိန်အားရတိုင်း
စွယ်စုံကျမ်းဖတ်နေကြပြီး သူတို့ ဘဘကြီးရဲ့အမွေကိုသဘောကျနေကြပါပြီ။

မူလတန်းကလေးတွေအနေနဲ့လည်း စွယ်စုံကျမ်းဆိုတာဟာ ဒို့ကလေးတွေနဲ့
မဆိုင်ဘူးလို့မထင်စေချင်ပါဘူး။
မြန်မာ့စွယ်စုံကျမ်း ကို "စာပေဗိမာန် ၏ ရုပ်ပြဗဟုသုတဘဏ်" လို့တောင်တင်စား
ထားတာမို့ မူလတန်းကလေးတွေကြိုက်နှစ်သက်ကြမှာပါ။

ကျွန်တော်ကတော့ ဖေဖေ ၀ယ်ပေးတာကြောင့် စွယ်စုံကျမ်းကို သုံးတန်း၊ လေးတန်းမှာ
စဖတ်လို့ကြိုက်သွားခဲ့ပြီး ကိုယ့်ကိုကိုယ်ဟုတ်လှပြီထင်ထားပေမယ့်..
ကျွန်တော်တို့ပခုက္ကူအိမ်ကိုလာလည်တဲ့ အလက(၃)၊
နှစ်တန်းကျောင်းသားက စွယ်စုံကျမ်းတွေယူဖတ်ကြည့်ရင်းကနေ တစ်တွဲပြီး တစ်တွဲ
သူ့အိမ်ကိုပါ ဌားဖတ်ခါမှ..ကိုယ့်ထက်ဆရာကျတဲ့သူကိုတွေ့ရတော့တာပါပဲ။

အဲဒီ နှစ်တန်းကျောင်းသားက တစ်ခြားသူတော့ မဟုတ်ပါဘူး။
လူထုဦးလှ၊ ဒေါ်အမာရဲ့မြေး.စာရေးဆရာ ဒေါက်တာ မြမဉ္ဖူရဲ့သား
ဆရာဝန်စာရေးဆရာ ဘိုဘိုလန်းစင် ဖြစ်ပါတော့တယ်။

................................................
စာဖြင့်ကမ္ဘာပတ်ပါ...

အကြောင်းမညီညွတ်သေးလို့ ပြည်ပခရီးမထွက်ဖြစ်သေးသူများလည်း
စာနဲ့ ကမ္ဘာပတ်နိုင်ပါတယ်။ စာနဲ့ကမ္ဘာပတ်ဖို့လိုပါတယ်။
စာနဲ့ရောက်ဘူးခြင်းဟာ မျက်စိနဲ့တပ်အပ်မမြင်ရတာကလွဲရင်
အထူးအကျိုးများပါတယ်။
ခုခေတ်ကြီးမှာ အင်တာနက်ပေါ်ကနေဓါတ်ပုံများပါကြည့်နိုင်နေပါပြီ။

ကျွန်တော် ၁၉၉၅ မှာ ဘန်ကောက်၊ ကွာလာလမ်ပူ စတဲ့ပြည်ပနိုင်ငံ
တွေစရောက်ဘူးပါတယ်။ စာနဲ့ရောက်ဘူးထားတော့မစိမ်းပါ။
စာဖတ်မထားသူကတော့ အပြင်တောင်မထွက်ရဲတော့တာမျိုးတွေ့ဘူးပါတယ်။
လက်ရှိနေထိုင်ရာ ဒိန်းမတ်နိုင်ငံရဲ့ မြို့တော် ကိုပင်ဟေဂင် ကိုလည်း
ငယ်ငယ်ကတည်းက သခင်ဘသောင်း ဘာသာပြန်တဲ့ အန်ဒါဆင် ရဲ့ ပုံဝတ္ထု များ
ကိုဖတ်ပြီး ကြွက်တွေနဲ့ကိုပင်ဟေဂင် မြို့ဟောင်းကြီးကိုရင်းနှီးနေခဲ့တာပါ။

ကျွန်တော်တို့မိသားစုလေး သမီးကကျောင်းအားရက်၊ ဇနီးကနွေအားရက်၃ပတ်၊
ကျွန်တော်က ၂ပတ် ရထားတာမို့ လာမယ့် ၆ ရက်နေ့မှာ လွန်ခဲ့တဲ့ နှစ်ပေါင်း
၄၃ နှစ်က ဖေဖေရောက်ဘူးခဲ့တဲ့ အီတလီနိုင်ငံကို အလည်သွားကြပါမယ်။
ရောမမှာရှိတဲ့ Colosseum. Pisa tower စတဲ့ အဆောက်အဦးတွေရဲ့ အကြောင်း
တွေကိုလည်း စာပေဗိမာန်ကထုတ်တဲ့ သုတပဒေသာ စာစောင်မှာဖတ်ဖူးတာ
ကြောင့် စာနဲ့တော့ရောက်ဖူးနေခဲ့တာကြာပါပြီ။

သုတစာတွေဟာ ဘယ်တော့မှဟောင်းသွားမှာမဟုတ်တဲ့စာတွေဖြစ်ပြီး
အမြဲဆန်းသစ်နေမှာမို့ အရင်ထုတ်ခဲ့တဲ့ သုတပဒေသာ စာစောင်တွေကိုလည်း
အခု စွယ်စုံကျမ်းတွေပြန်ထုတ်မှာမျိုး စီစဉ်ပေးနိုင်ရင် ကလေးတွေ၊ လူငယ်၊
လူကြီးတွေပါမကျန် အကျိုးများစေမှာပါ။

ကုန်ကုန်ပြောရရင် ကျွန်တော်အခုနေတဲ့ ဒိန်းမတ်နိုင်ငံ အကြောင်းကို
ပြည့်ပြည့်စုံစုံ လေ့လာ ဖတ်၊ မှတ်ထားသူဟာ မရောက်ဘူးပေမယ့်
ကျွန်တော့်ထက်ပိုသိ၊ ပိုအမြင်ကျယ်မှာဖြစ်တာကြောင့်

ကလေးလူငယ်တွေ သုတ၊ ရသစာပေတွေ ဖတ်ကြပါ၊ မှတ်ကြပါလို့
စေတနာကောင်းနဲ့တိုက်တွန်းရင်း..
စာပေဗိမာန်မှ မြန်မာ့စွယ်စုံကျမ်းတွေ ပြန်လည်ထုတ်ဝေမယ့်အစီ
အစဉ်ကိုကြိုဆိုလိုက်ရကြောင်းပါခင်ဗျား။

*မှတ်စု၊
(ဗိုလ်ချုပ်အောင်ဆန်းဟာ နိုင်ငံတကာက စာကောင်းပေမွန်တွေကို
မြန်မာစာဖတ်ပရိသတ်တွေမြည်းစမ်းကြည့်နိုင်ဖို့ ဘာသာပြန်ဆို
ထုတ်ဝေပေးတဲ့ မြန်မာနိုင်ငံ ဘာသာပြန်စာပေအသင်း
(Burma Translation Society) ကို ၁၉၄၇ ခုနှစ်မှာ စတင်တည်ထောင်ခဲ့ပါတယ်။
နောက်တစ်နှစ်အကြာမှာ အဲဒီအဖွဲ့အစည်းကို စာပေဗိမာန်လို့ ခေါ်တွင်ခဲ့ပါတယ်။
ဇွန်ပန်းပွင့် | Wednesday, 15 June 2016)

7th July, 2017. မြန်မာတိုင်းမ်

"ဘုရားဂုဏ်တော်ပွါး..လွန်စွာအကျိုးများ.."

အလုပ်တာဝန်တွေပိနေတာနဲ့ ရေးလက်စဆောင်းပါးလေးတွေလည်း
လက်စမသတ်နိုင်၊ Post အသစ်လေးတွေလည်းရေးမတင်ဖြစ်တာ
အတော်ကြာနေပါပြီ။

အခုခရစ်စမတ်နားရက်မှာမြန်မာပြည်အတွက်ရေးနေတဲ့ဆောင်းပါးလေး
တွေအတွက်အချိန်ပေးမယ်စိတ်ကူးထားပါတယ်။

ဂျာမဏီက စာရေးဆရာဦးဇင်း ဘုန်းဘုန်းကု(အရှင်ကုသလသာမိ)
က ဒကာကြီးစာမရေးတာကြာပြီ လို့လှမ်းမေးနေသလို
မြန်မာပြည်က သူငယ်ချင်းကောင်း စာရေးဆရာအယ်ဒီတာ ကိုသိန်းအေး
ကလည်း စာမရေးတာကြာရင် လှမ်းလှမ်းပြောပါတယ်။

ဆောင်းပါးရေးရင်ကြာတတ်တာမို့ ကျွန်တော့်စာလေးတွေကိုအားပေးကြတဲ့
fb ပေါ်ကမိတ်ဆွေများနဲ့လည်းအဆက်မပြတ်ရလေအောင် Postအတိုလေး
တစ်ခုကိုအရင်ရေးတင်ဖို့စိတ်ကူးတော့မလေးရှားတုန်းက
Laundry မှာလုပ်စဉ် ပေါင်မုန့်ကားလေးနဲ့ Genting Highland
မှာရိုက်ခဲ့တဲ့ဓါတ်ပုံလေးကိုတွေ့ပြီး စာဖတ်သူများလည်း
အပြောင်းအလဲလေးဖတ်ရအောင်မလေးရှားနိုင်ငံမှာ ၁၀နှစ်တာ ဘ၀စုံ၊
အလုပ်စုံ ကျင်လည်ခဲ့ရစဉ်ကအကြောင်းလေးတစ်ခုကိုမျှဝေလိုက်ရပါတယ်။
...............................................

မြန်မာပြည်မှာတုန်းက ညီအစ်ကိုသုံးယောက် ပခုက္ကူ အလယ်တိုက်ကြီးက
ဘုန်းဘုရား အရှင်ကေလာသ ဆီမှာ ကိုရင်ဝတ်ခဲ့ကြဘူးပါတယ်။
အချိန်ရသခိုက်တွေမှာ သာသနာအတွက် ကျမ်းကြီး ကျမ်းငယ်တွေပဲ
အဆက်မပြတ်ရေးသားပြုစုနေတဲ့ အလွန်ကြည်ညို ဖွယ် ဆရာတော်ဘုရားကြီး
ဖြစ်ပါတယ်။

ဘုန်းဘုန်းဘုရားကြီးက ကျွန်တော်တို့ကို ဘုရားဂုဏ်တော်၊ တရားဂုဏ်တော်၊
သံဃဂုဏ်တော်တွေ နှုတ်ငုံဆောင်စေပြီး ၀ိပသနာရှုမှတ်နည်းပါ သင်ကြားပေး
ခဲ့တဲ့ကျေးဇူးတရားကိုလည်း ဘုန်းဘုရားပျံလွန်တော်မူသွားခဲ့ပေမယ့် အစဉ်ဦးထိပ်
ပန်ဆင်လျက်ပါ။
..................................................
ရေးပြချင်တဲ့ အဖြစ်အပျက်လေးကတော့၁၉၉၈ ၀န်းကျင်ကပါ။
ကျွန်တော် Kuala Lumpur , Ampang မှာရှိတဲ့Arami ဆိုတဲ့ Laundry မှာ
Supervisor လုပ်နေစဉ်ကဖြစ်ပါတယ်။
ကျွန်တော်က လမ်းတွေလည်းသိ ကားလည်းကျွမ်းကျွမ်းကျင်ကျင်မောင်းတတ်တော့
အ၀တ်အထည်ပစ္စည်းသည်ပို့လည်း သူဌေးနဲ့ကျွန်တော်ပဲလုပ်ကြပါတယ်။

သူများနိုင်ငံတွေမှာတော့ မိမိကိုယ်ကိုသာအားကိုးရာတွေဖြစ်ကြပါတယ်။
ကျွန်တော်ကတော့မိမိရဲ့ကိုးကွယ်ရာဖြစ်တဲ့ ဂုဏ်တော်တွေကို တစ်နေ့မပျက်
အလုပ်လုပ်နေစဉ်၊ ဘတ်(စ်)ကား၊ ရထားစီးနေစဉ် တွေမှာပါစိတ်ထဲကနေ
သတိရတိုင်းပွါးများနေတတ်ပါတယ်။

ကျွန်တော်ကအဲဒီလောင်ဒရီပိုင် ပေါင်မုန့်ကားအသစ်လေးကိုမောင်းပြီး
အ၀တ်အထည်တွေပို့ဆောင်ပေးရပါတယ်။
Genting Highland ဆိုတဲ့ KL မြို့အပြင်က အပန်းဖြေတောင်ပေါ်မြို့လေးက
Sri Malaysia ဆိုတဲ့ ဟော်တယ်တစ်ခုကိုလည်းနေ့စဉ်နီးပါးတက်ရပါတယ်။
Kl ကနေ တစ်နာရီလောက်မောင်းရပါတယ်။
အလေးအပင်သယ်ရတာလည်းမဟုတ်တော့ တစ်ယောက်တည်းပဲသွားပါတယ်။

အဲဒီအချိန်တုန်းက ကျွန်တော့်မှာ Work permit မရှိတဲ့အပြင်မလေးရှား
Driving licence လည်းမရှိသေးပါဘူး။
စစ်ဆေးတာနဲ့တွေ့ရင်တော့ကိုယ်ဖြစ်ကိုယ်ခံပါဘဲ။

အဲဒီနေ့ကလည်း Genting Highland ကိုထွက်ခဲ့ပါတယ်။
KL မြို့ပြင်ထွက်တဲ့ Toll gate ကိုဖြတ်ပြီးလို့မကြာပါဘူး surprise check
အကြီးအကျယ်လုပ်နေတာနဲ့ကြုံ တော့တာပါပဲ။

ကားလေးတွေကိုစစ်ဆေးတာမဟုတ်ဘဲ အလုပ်လုပ်နေတဲ့ ကျွန်တော်မောင်းလာတဲ့
ပေါင်မုန့်ကားလို ကားလတ်တွေကိုပဲ လမ်းဘေးကိုဆင်းခိုင်းလို့စစ်နေတာပါ။
ကျွန်တော့်ရှေ့မှာ ၃၊၄ စင်းရှိနေပြီး ရဲကကားသမားတွေကို လမ်းဘေးမှာရပ်ခိုင်းနေတာ
တွေ့ရပါတယ်။
ရပ်ပြီးတော့ ရဲတွေကလိုင်စင်ကိုစစ်၊ ကားတံခါးတွေဖွင့်ခိုင်းစစ်နေတာ
တွေကိုမြင်နေရပါတယ်။

ကျွန်တော်လည်း ကျွန်တော့်အလှည့်မရောက်သေးခင် ရှေ့ကားနောက်ကမှေးလိုက်
နေရင်း ဘုရားဂုဏ်တော်ကိုသာ ယုံယုံကြည်ကြည်နဲ့ပွါးနေရပါတော့တယ်။
ဒီတစ်ခါတော့အကျိူးနည်းပါပြီပေါ့။ work permit ပြစရာမရှိတဲ့အပြင်၊
ကားမောင်းလိုင်စင်နဲ့တူတာတောင်ကိုင်မထားပါဘူး။

အခန့်မသင့်ရင် ထောင်ကျ၊ ကြိမ်ဒဏ်ပါအပိုဆုပေါက်သွားနိုင်ပါသေးတယ်။
ကျန်တာတွေသိပ်တော့မပူပါ။ အိမ်ကိုငွေမပို့နိုင်တော့မှာသာပူမိပါတယ်။
ကျွန်တော့်ရှေ့က ကျွန်တော်လိုကားအလှည့်ရောက်တော့ ရဲကလမ်းဘေးဆင်း
ကားရပ်ခိုင်းတာတွေ့ရပါတယ်။

ကျွန်တော့်အလှည့်ရောက်ပါပြီ။ ကျွန်တော်လည်းဘာမှပြစရာမပါတဲ့အတူတူ
မထူးတော့တာမို့ ဂုဏ်တော်ပွါးရင်း အဲဒီရဲကို ရဲရဲဝံ့ဝံ့ပြန်ကြည့်လို့ မေတ္တာပါ
ပို့နေလိုက်ပါတယ်။

မယုံနိုင်စရာဖြစ်ပုံများပြောပါတယ်။
ကျွန်တော်ကလမ်းဘေးမှာကားရပ်ဖို့နေရာတောင်ကြည့်နေပါပြီ။
အဲဒီမောင်မင်းကြီးသား ရဲက ကျွန်တော့်မျက်လုံးကိုသေသေချာချာ
တစ်ချက်ကြည့်လိုက်ပြီး လမ်းဘေးမှာမရပ်ခိုင်းတော့ဘဲ လက်ပြလို့
ဆက်မောင်းခိုင်းလိုက်တော့တာပါပဲခင်ဗျာ။

ဖြစ်နိုင်ရင်ဝုန်းကနဲအဲဒီနေရာကနေ ထွက်သွားချင်ပေမယ့် ဘာမှမဖြစ်သလို
ဟန်မပျက်ဟိုက်ဝေးလမ်းပေါ်ပြန်တက်မောင်းထွက်ခဲ့ရပါတော့တယ်။

ဘုရားဂုဏ်တော်တွေများယုံယုံကြည်ကြည်နဲ့ပွါးများရင်အကျိုးထူးရနိုင်ပုံများပြောပါတယ်။
ဒီလိုအကျိူးထူးတွေလိုလားပြီး ပွါးများဖို့ကိုတော့ကျွန်တော်ဆိုလိုတာမဟုတ်ကြောင်းပါ။
မိမိရတဲ့ မည်သည့်ဘုရားတရားတော်တွေမဆို ရိုသေစွာပွါးများကြဖို့ဆိုလိုရင်းပါ။

ကျွန်တော့်မိတ်ဆွေအပေါင်းလည်း ခုလိုနှစ်သစ်အခါသမယမှာ
စိတ်ကောင်းနှလုံးကောင်းများ၊ မလျှော့သောသတိများနဲ့အတူ
နှစ်သစ်ကိုကြိုဆိုနိုင်ကြပါစေလို့ဆုတောင်းလိုက်ရကြောင်းပါခင်ဗျား။

Fb post. Dec, 2015.